ករណីអ្នកជិះរថយន្តស៊េរីទំនើប តំលៃរាប់មុឺនដុល្លារ តែគ្មានទំនួលខុសត្រូវ បុកប៉ះកង់បីហើយមិនចុះដោះស្រាយ បែរជាហៅគ្នីគ្នាយករថយន្តមួយគ្រឿងទៀត មករំដោះចេញអស់ គ្មានខ្វល់ពីអ្នករងគ្រោះ ប្រហែលអ្នកមានអំណាចធំណាស់ហើយមើលទៅ ព្រោះមានទាំងអង្គរក្សថែមទៀតផង ។ ហេតុការណ៍នេះកើតឡើងនៅក្នុង បរិវេណតំបន់អភិវឌ្ឍន៍បឹងកក់ សង្កាត់ស្រះចក ខណ្ឌដូនពេញ រាជធានីភ្នំពេញ កាលពីយប់ថ្ងៃទី១ ខែវិច្ឆិកា ២០២៦នេះ ។
បន្ទាប់ពីទទួលបានព័ត៍មាននេះ នៅព្រឹកថ្ងៃទី២ ខែវិច្ឆិកា ២០២៦នេះ លោក ហេង រតនា ស្នងការរង ទទួលផែនចរាចរណ៍ នៃស្នងការដ្ឋាននគរបាលរាជធានីភ្នំពេញ បានអោយផ្នែកជំនាញធ្វើការស្រាវជ្រាវ និងបានទាក់ទងយកឡាននឹងអ្នកបើកបរ មកដល់ស្នងការដ្ឋាននគរបាលរាជធានីភ្នំពេញហើយ កំពុងរង់ចាំម្ចាស់កង់បីដើម្បីចូលមកដោះស្រាយ ៕ រក្សាសិទ្ធដោយ៖សុទ្ធលី
,
