ដោយបានការដឹកនាំបញ្ជាដ៏ខ្ពង់ខ្ពស់ពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ និងការយកចិត្ដទុកដាក់ពីជំនាញស្នងការដ្ឋាននគរបាលខេត្ដកំពង់ស្ពឺ នៅថ្ងៃសៅរ៍ ២កើត ខែស្រាពណ៍ ឆ្នាំមមី អដ្ឋស័ក ព.ស. ២៥៧០ត្រូវនឹង ថ្ងៃទី១៥ ខែសីហា ឆ្នាំ២០២៦ កំលាំងអធិការដ្ឋាននគរបាលស្រុកគងពិសី ដឹកនាំដោយលោកវរសេនីយ៍ឯក យ៉ាង សុខលី អធិការនគរបាលស្រុកបានបញ្ជាឱ្យផ្នែកព្រហ្មទណ្ឌសហការបង្ក្រាបក្មេងទំនើង ២ក្រុមដែលបានដេញវាយគ្នាកាលពីថ្ងៃទី១៤ខែសីហាឆ្នាំ២០២៦ នៅលើផ្លូវជាតិលេខ៣ គីឡូម៉ែត្រ២៨ ផ្សារព្រៃទទឹង ភូមិព្រៃទទឹង ឃុំព្រះនិព្វាន ស្រុកគងពិសី ខេត្តកំពង់ស្ពឺ ផ្អែកតាមប្រភពបណ្ដាញសង្គមហ្វេសបុក (ឈ្មោះសិតកញ្ញា) មានក្មេងទំនើង ២ក្រុមចំនួន៨នាក់បានធ្វើសកម្មភាពដេញវាយគ្នាទៅវិញទៅមក។
ជាក់ស្ដែងសមត្ថកិច្ចនគរបាលបានស្រាវជ្រាវឃាត់ខ្លួនបានចំនួន៤នាក់÷ (១)ឈ្មោះ តេង តួ ភេទប្រុសអាយុ២០ឆ្នាំនៅភូមិជ្រលង ឃុំដា ស្រុកកំពង់លែង ខេត្តកំពង់ឆ្នាំង បច្ចុប្បន្នស្នាក់នៅបន្ទប់ជួលភូមិក្រាំងទ្រា ឃុំព្រះនិព្វាន(២)ឈ្មោះ ម៉ៅ តុលា ភេទប្រុសអាយុ២២ឆ្នាំនៅភូមិជ្រលង ឃុំដា ស្រុកកំពង់លែង ខេត្តកំពង់ឆ្នាំង បច្ចុប្បន្នស្នាក់នៅបន្ទប់ជួលភូមិក្រាំងទ្រា ឃុំព្រះនិព្វាន (៣)ឈ្មោះ ឈុន ឡេង ភេទប្រុសអាយុ១៥ឆ្នាំនៅភូមិជ្រលង ឃុំដា ស្រុកកំពង់លែង ខេត្តកំពង់ឆ្នាំង បច្ចុប្បន្នស្នាក់នៅបន្ទប់ជួលភូមិក្រាំងទ្រា ឃុំព្រះនិព្វាន(៤)ឈ្មោះ រ៉ន សារាម ភេទប្រុសអាយុ១៦ឆ្នាំនៅភូមិដើមសេក ឃុំជ័យជោគ ស្រុកបូរីជលសា ខេត្តតាកែវ បច្ចុប្បន្នស្នាក់នៅបន្ទប់ជួលភូមិក្រាំងទ្រា ឃុំព្រះនិព្វាន។ ចំពោះ ១ក្រុមទៀតដែលមានបក្សពួកចំនួន៤នាក់បានរត់គេចខ្លួនកំពុងបន្ដស្រាវជ្រាវ តំរុយសមត្ថកិច្ចក្ដាប់បានអស់ហេីយ។ ជនសង្ស័យទាំង៤នាក់ត្រូវបានឃាត់ខ្លួនបញ្ជូនទៅកាន់អធិការដ្ឋាននគរបាលស្រុកដេីម្បីសាកសួរនិងកសាងសំណុំរឿងចាត់ការតាមនិតិវិធី៕រក្សាសិទ្ធដោយ៖សុទ្ធលី
