សៀមរាប ៖ សិល្បករទាំងចាស់ និងថ្មីប្រមាណជិត៣០០នាក់បានត្រៀមខ្លួនបង្ហាញការសម្តែងរបស់ខ្លួន នៅក្នុងព្រឹត្តការណ៍វប្បធម៌ដ៏ធំប្រចាំឆ្នាំដែលមានឈ្មោះថា រាត្រីចងចាំ នៅក្នុងបរិវេណប្រាសាទអង្គរវត្ត នាខេត្តសៀមរាប។
ព្រឹត្តិការណ៍វប្បធម៌រៀបចំឡើងដោយក្រសួងវប្បធម៌ និងវិចិត្រសិល្បៈ ក្នុងគោលបំណងដើម្បីចូលរួមអបអរសាទរខួបអនុស្សាវរីយ៍៣០ឆ្នាំ នៃការដាក់បញ្ចូលតំបន់ប្រាសាទអង្គរជាសម្បត្តិបេតិកភណ្ឌពិភពលោក។
ព្រឹត្តការណ៍ខាងលើនេះរៀបចំឡើងមានរយៈពេល៣ថ្ងៃ ចាប់ពីថ្ងឌទី១៤ដល់១៦ ខែធ្នូ ឆ្នាំ២០២២ ដោយបើកអោយមហាជនចូលរួមទស្សនាដោយសេរីនៅបរិវេណខាងកើត ប្រាសាទអង្គរវត្ត ខេត្តសៀមរាប ។
ប្រធានសមាគមសិល្បករខ្មែរ និងជាតួអង្គសម្តែងធំមួយនៅក្នុងព្រឹត្តការណ៍ខាងលើ បានចែកចាយរូបភាពនៅលើបណ្តាញសង្គមហ្វេសប៊ុកនៃសកម្មភាពការសម្តែងសម និងថតរូបផ្សព្វផ្សាយសម្រាប់អ្នកសិល្បៈដែលបានចូលរួមសម្តែង។
ដោយឡែកតារាសម្តែង និង អ៊ុន សុទ្ធា ក៏បានបង្ហោះរូបភាពរបស់ខ្លួនដែលជាតួអង្គដ៏សំខាន់ម្នាក់ ដោយភ្ជាប់ជាមួយនឹងសារថា បេះដូងសិល្បៈខ្ញុំស្រលាញ់វប្បធម៌ខ្ខ្មែ ថ្ងៃទី១៤ខែធ្នូឆ្នាំ២០២២ការចូលរួម ការ shear ការចែករំលែក បង្ហាញពីវប្បធម៌អរិយធម៌ខ្មែរ ទៅដល់ពិភពលោកគឺមិនអស់ថ្លៃទេមែនទេ? ដូច្នេះយើងជាកូនខ្មែរ ប្រជាជនខ្មែរ ប្រទេសកម្ពុជាគឺមានវប្បធម៌ អរិយធម៌ ខ្ពង់ខ្ពស់ដ៏អស្ចារ្យ។
មិនត្រឹមតែការសម្តែងពីស្តែងពីប្រវត្តិសាស្ត្រខ្មែរនាសម័យអង្គរនេះប៉ុណ្ណោះទេ ព្រឹត្តការណ៍នេះក៏មានការសម្តែងសិល្បៈល្ខោនខោល ក្បាច់គុនល្បុក្កតោ ដែលទើបចុះបញ្ជីរជាបេតិភណ្ឌអរូបីរបស់អង្គការយូណេស្កូ និងការសម្តែងសិល្បះជាច្រើនទម្រង់ទៀតផងដែរ។
ជាការកត់សម្គាល់បើគ្មានអ្វីប្រែប្រួលទេ ព្រឹត្តការណ៍រំឭកគុណអង្គរ នឹងធ្វើឡើងចំនួន៣ថ្ងៃ ចាប់ពីថ្ងៃទី១៤ដល់១៦ ធ្នូ ២០២២ ដែលមានកម្មវិធីសាសនា ស្ដង់ពិព័ណ៌ និងការសម្ដែងសិល្បៈបុរាណនៅពេលរាត្រី ។
លោក ឡុង កុសល អគ្គនាយករងអជ្ញាធរជាតិអប្សរា បានឲ្យដដឹដឹថាព្រឹត្តការណ៍នេះក៏មាននូវទស្សនីយភាពជាច្រើន ដូចជា កម្មវិធីបែបសាសនាសំខាន់ៗ ការតាំងពិព័ណ៌បង្ហាញសមិទ្ធផលការងាររយៈពេល៣០ឆ្នាំ កន្លងមករបស់អាជ្ញាធរជាតិអប្សរា ស្នាដៃសិល្បៈជាច្រើន ដែលបានចុះក្នុងបញ្ជីបេតិកភណ្ឌអរូបី នៃអង្គការយូណេស្កូ ការសម្តែងអាយ៉ៃឆ្លើយឆ្លង ដោយលោក ព្រហ្ម ម៉ាញ ព្រមទាំងការចាក់បញ្ចាំងភាពយន្ត អំពីអង្គរជាដើម ។
សូមជម្រាបថា នេះជាឆ្នាំទី២ហើយ ដែលអាជ្ញាធរជាតិអប្សរា បានរៀបព្រឹតិ្តការណ៍រម្លឹកគុណអង្គរនេះ ។ ព្រឹត្តិការណ៍នេះ រៀបចំឡើងក្នុងគោលបំណង ដើម្បីរម្លឹកគុណអង្គព្រះមហាក្សត្រគ្រប់ព្រះអង្គ និងបុព្វការីជន ដែលលោកបានកសាង និងថែរក្សាប្រាសាទទាំងអស់ នៅក្នុងរមណីយដ្ឋានអង្គរ ដោយបានផ្តល់អត្ថប្រយោជន៍ជាច្រើន ដល់ជាតិមាតុភូមិ តាំងពីដើមរហូតដល់សព្វថ្ងៃ ៕ រក្សាសិទ្ធិដោយ ៖ សំណាង SV
