ខេតស្ទឹងត្រែង៖ តុលាការខេត្តស្ទឹងត្រែង បានសម្រេចឃាត់ខ្លួនលោក អ៊ុំ សុភឿន អាយុ ៤៧ ឆ្នាំ មានតួនាទីជា អនុប្រធានការិយាល័យធនធានធម្មជាតិ នៃ រដ្ឋបាលខេត្តស្ទឹងត្រែង ជាបណ្តោះអាសន្ន កាលពី ថ្ងៃទី២០ ខែតុលា ឆ្នាំ២០២៦ បន្ទាប់ពីលោកបានចូលខ្លួនឆ្លើយបំភ្លឺ និងឆ្លងកាត់ការសាកសួរនៅដំណាក់កាលអយ្យការ។
មន្ត្រីតុលាការ បានឱ្យដឹងថា: ក្រោយបញ្ចប់ការសាកសួរនៅអយ្យការ, លោក អ៊ុំ សុភឿន ត្រូវបានឃាត់ខ្លួន និង បញ្ជូនទៅ ឃុំខ្លួនបណ្ដោះអាសន្ននៅ ឯ ស្នងការដ្ឋាននគរបាលខេត្តស្ទឹងត្រែង ដើម្បីបន្តនីតិវិធីច្បាប់។
ទាក់ទិននឹងករណីនេះ លោក ឈុំ ស៊ាងហាក់ អ្នកនាំពាក្យសាលាដំបូងខេត្តស្ទឹងត្រែង បាន បញ្ជាក់ថា: ករណីនេះ នៅថ្ងៃទី ២១ ខែ តុលានេះ ចៅក្រមកំពុងបន្តអនុវត្តនីតិវិធី លោក អ៊ុំ សុភឿន នៅឯ សាលាដំបូងខេត្តស្ទឹងត្រែង នៅឡើយ។
ទាក់ទងនឹងការចោទប្រកាន់ ខាងលើនេះ, លោកអ៊ុំ សុភឿន មិនអាចទាក់ទង ដើម្បីសុំការបំភ្លឺបានឡើយ៕រក្សាសិទ្ធិគ្រប់យ៉ាងដោយ CEN
