ខេត្តសៀមរាប៖ មន្ត្រីគយ និងរដ្ឋាករ សហការជាមួយមន្ត្រីនគរបាលអន្តោប្រវេសន៍ បានបង្ក្រាបករណីដឹកជញ្ជូនគ្រឿងញៀនឆ្លងកាត់អាកាសយានដ្ឋានអន្តរជាតិសៀមរាបអង្គរ ដោយរឹបអូសបានហេរ៉ូអ៊ីនទម្ងន់សុទ្ធ ៥,៥៨៣.៥០ក្រាម ពីអ្នកដំណើរបរទេសម្នាក់ ដែលត្រៀមចាកចេញពីកម្ពុជា។
ប្រតិបត្តិការបង្ក្រាបនេះបានធ្វើឡើងកាលពីថ្ងៃទី១១ ខែតុលា ឆ្នាំ២០២៦ នៅស្ថានីយអ្នកដំណើរចេញនៃអាកាសយានដ្ឋានអន្តរជាតិសៀមរាបអង្គរ ខណៈសារធាតុញៀនត្រូវបានរកឃើញលាក់បង្កប់ក្នុងវ៉ាលីសម្លៀកបំពាក់របស់អ្នកដំណើររូបនេះ។
ក្រោយការត្រួតពិនិត្យ មន្ត្រីជំនាញបានអនុវត្តនីតិវិធីបឋម និងរៀបចំកំណត់ហេតុបទល្មើសច្បាប់គយ មុនប្រគល់ជនសង្ស័យ វត្ថុតាង និងសម្ភារៈពាក់ព័ន្ធទៅអង្គភាពនគរបាលប្រឆាំងគ្រឿងញៀន ដើម្បីគ្រប់គ្រង និងចាត់ការបន្តតាមនីតិវិធីច្បាប់ជាធរមាន។
បច្ចុប្បន្ននេះ ជនសង្ស័យត្រូវបាន ចៅក្រមស៊ើបសួរ នៃ សាលាដំបូងខេត្តសៀមរាប សម្រេចបញ្ជូនទៅ ឃុំខ្លួនបណ្ដោះអាសន្ន នៅពន្ធនាគារ ដើម្បីរងចាំការ ធ្វើសវនការ តាមនីតិវិធីច្បាប់៕ រក្សាសិទ្ធិគ្រប់យ៉ាងដោយ CEN
