ខេត្តកំពង់ធំ៖ កម្លាំងសមត្ថកិច្ចនគរបាល បានចាប់ខ្លួនក្មេងទំនើងចំនួន៩នាក់ ពាក់ព័ន្ធករណីហិង្សាលើក្មេងស្រីអាយុ ៨ឆ្នាំម្នាក់ បណ្ដាលឱ្យរងរបួសប្រេះលលាដ៍ក្បាល នៅស្រុកកំពង់ស្វាយ ខេត្តកំពង់ធំ។
ប្រត្តិបត្តិការនេះ បានធ្វើឡើងក្រោមការដឹកនាំរបស់លោកឧត្តមសេនីយ៍ទោ ហេង សុផល ដោយសមត្ថកិច្ចបានចាត់វិធានការស្រាវជ្រាវ រហូតឈានដល់ការចាប់ខ្លួនជនសង្ស័យទាំង ៩នាក់ ដែលត្រូវបានសង្ស័យថា ជាប់ពាក់ព័ន្ធនឹងករណីហិង្សាដ៏គួរឱ្យព្រួយបារម្ភនេះ។
ករណីនេះ បានបង្កការព្រួយបារម្ភអំពីអំពើហិង្សារបស់ក្រុមក្មេងទំនើង ជាពិសេសនៅពេលដែលកុមារតូចៗក្លាយជាជនរងគ្រោះ និងទទួលរងរបួសធ្ងន់ធ្ងរ។
អំពើហិង្សាបែបនេះ មិនត្រឹមតែប៉ះពាល់ដល់សុខភាព និងសុវត្ថិភាពរបស់ជនរងគ្រោះប៉ុណ្ណោះទេ ប៉ុន្តែថែមទាំងបង្កក្ដីបារម្ភដល់គ្រួសារ និងសហគមន៍ផងដែរ។
សមត្ថកិច្ចបាននិយាយថា: ជនសង្ស័យទាំង៩នាក់នេះ ត្រូវបានសមត្ថកិច្ចចាប់ខ្លួន ដើម្បីចាត់ការតាមនីតិវិធីច្បាប់។
ទោះជាយ៉ាងណា ព័ត៌មានលម្អិតអំពីមូលហេតុនៃអំពើហិង្សា អត្តសញ្ញាណជនសង្ស័យ និងស្ថានភាពសុខភាពបច្ចុប្បន្នរបស់ក្មេងស្រីរងគ្រោះនោះ មិនទាន់ត្រូវបានបញ្ជាក់នៅឡើយទេ។រក្សាសិទ្ធិគ្រប់យ៉ាងដោយ CEN
