លោកឧត្តមសេនីយ៍ឯក ជួន ណារិន្ទ អគ្គស្នងរងនគរបាលជាតិ និងជាស្នងការនគរបាលរាជធានីភ្នំពេញ នៅព្រថ្ងៃទី២៤ខែសីហានេះ បានថ្លែងថា ជនសង្ស័យឈ្មោះ ឆេង ភារុណ កំពុងរៀបចំបែបបទឆ្លងដែនមកវិញ(សូមបញ្ជាក់ ជនខាងលើបានត្រឡប់ដល់ព្រុំដែនម៉ោង23 .ជាងដោយយប់ពេកត្រូវខាងមិត្ត វៀតណាមផ្អាកឆ្លងចូល។ត្រូវឱ្យសម្រាកផ្ទះជួលជិតនោះមួយយប់ពេលភ្លឺទើបរៀបចំបែបបទ បើកឱ្យឆ្លងដែនចូលដីខ្មែរដោយមិត្តវៀតណាមធានាមើលខុសត្រូវមិនឱ្យបាត់ )។
លោកឧត្តមសេនីយ៍ឯក ជួន ណារិន្ទ បានបញ្ជាប់បន្ថែមទៀតថា បន្តិចទៀតនៅពេលជនសង្ស័យ ឆេង ភារុណ បំពេញបែបបទឆ្លងដែនរួច និងដឹកបន្តយកមកស្នងការនគរបាលរាជធានីដើម្បីបន្តនីតិវិធី។
ឯកឧត្តម អភិសន្តិបណ្ឌិត សសុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានថ្លែងថា
ខ្ញុំទុកពេលឱ្យ៤៨ម៉ោង បន្ទាប់ពីការបង្ហោះសារនេះ!តាមរយៈបណ្ដាញទំនាក់ទំនងសង្គមនេះ ខ្ញុំសូមផ្ញើសារណែនាំទៅកាន់ លោក ឆេង ភារុណ ដែលប្រព្រឹត្តអំពើហិង្សា ដោយយកដបស្រាវាយក្បាលជនរងគ្រោះ កាលពីយប់ថ្ងៃទី២២ ខែសីហា ឆ្នាំ២០២៦នោះ សូមលោកមានភាពក្លាហាន និងស្មារតីភ្ញាក់រលឹក ចូលខ្លួនមកទទួលខុសត្រូវចំពោះមុខច្បាប់។ ក្នុងឋានៈជាឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ ខ្ញុំទុករយៈពេល៤៨ម៉ោង ឱ្យចូលខ្លួនមកសារភាព និងអនុវត្តនីតិវិធីជាមួយសមត្ថកិច្ច។ ក្នុងន័យនេះ ខ្ញុំក៏សូមលើកទឹកចិត្តឱ្យក្រុមគ្រួសារ និងមិត្តភក្ដិលោក ឆេង ភារុណ ជួយផ្ដល់ព័ត៌មាន និងពន្យល់ណែនាំបន្ថែម។ ខ្ញុំសូមជម្រាបជូនដែរថា បន្ទាប់ពីទទួលបានព័ត៌មានគ្រប់ជ្រុងជ្រោយលើករណីនេះ ខ្ញុំបានទាក់ទងដោយផ្ទាល់ ទៅកាន់ឯកឧត្តម លឿង តាមខ្វាង រដ្ឋមន្ត្រីក្រសួងនគរបាលវៀតណាម ដោយបានស្នើសុំកម្លាំងមានសមត្ថកិច្ចវៀតណាម សហការស្រាវជ្រាវ និងឃាត់ខ្លួនបុគ្គលនេះ។ដូច្នេះ ក្នុងរយៈពេលដូចខ្ញុំបានបញ្ជាក់ខាងលើ សូមលោក ឆេង ភារុណ បើកំពុងនៅក្នុងប្រទេសវៀតណាម ត្រូវប្រញាប់វិលចូលមាតុប្រទេសដោយខ្លួនឯង និងសូមកុំព្យាយាមពួនសំងំ ឬប៉ុនប៉ងធ្វើដំណើរបន្តទៅប្រទេសណាមួយ ពីព្រោះលោកប្រាកដជាដឹងច្បាស់ហើយថា គ្មានថ្ងៃអាចរួចខ្លួននោះទេ។ខ្ញុំក៏សូមយកឱកាសនេះ ជម្រាបជូនជនរួមជាតិថា ក្នុងនាមជាសេនាធិការស្នូលរបស់រាជរដ្ឋាភិបាល លើការងារសន្តិសុខ សណ្ដាប់ធ្នាប់សាធារណៈ និងសុវត្ថិភាពសង្គម រូបខ្ញុំផ្ទាល់ និងក្នុងនាមក្រសួងមហាផ្ទៃ គឺដាច់ខាត មិនអនុញ្ញាតឱ្យជនល្មើស រួមទាំងករណីប្រព្រឹត្តអំពើហិង្សាខាងលើនេះ រួចផុតពីសំណាញ់ច្បាប់ឡើយ។រក្សាសិទ្ធដោយ៖សុទ្ធលី
