ភ្នំពេញ ៖លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានបញ្ជាទៅលោកអធិការខណ្ឌបឹងកេងកង និងលោកស្នងការរង ប៊ុន សត្យា ស្រាវជ្រាវបន្ទាន់ ករណីបង្កហិង្សា និងប្រេីពាក្យសម្តីមិនសមរម្យ នៅក្នុងហាង SAVAGE ស្ថិតក្នុងសង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ នៅវេលាម៉ោង២ យប់រំលងអធ្រាតឈាន ចូលថ្ងៃទី២៣ ខែសីហា ឆ្នាំ២០២៦។
នៅវេលាម៉ោង10:45នាទីព្រឹកថ្ងៃទី23 ខែសីហាឆ្នាំ2026នេះកម្លាំងប៉ូលីសនៃអធិការនគរបាលខណ្ឌបឹងកេងកងបានសហការជាមួយនឹងកម្លាំងប៉ូលីសព្រហ្មទណ្ឌកម្រិតធ្ងន់ក្រសួងមហាផ្ទៃបានធ្វើការឃាត់ខ្លួនបុរសពាក់អាវខៀវក្នុងរូបនេះបានម្នាក់ហើយនឹងកំពុងសួរនាំដើម្បីស្វែងរកបក្ខពួកជាជនដៃដល់បន្តទៀត។ វេលាម៉ោង10ព្រឹក
សូមរំលឹកថា ម្នាក់សាហាវព្រៃផ្សៃហួសហេតុពេកហេីយ វាយជនបុរសម្នាក់មួយកែវស្រាមិនអស់ចិត្ត នាំមកកៀនកន្លែងស្ងាត់ វាយក្បាលមួយដបថែមទៀត ហេីយសួរថាហែងអត់អស់ចិត្តមែនចង់មេច ខ្សែអញធំណាស់ ហេតុការណ៍នេះកេីតទ្បេីងព្រោះរឿង ញញឹម ដេីរប៉ះ ក្នុងហាងឈ្មោះ SAVAGE វេលាម៉ោង២យប់រំលងអធ្រាត្រឈានចូល ថ្ងៃទី២៣ ខែសីហា ឆ្នាំ២០២៦ សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ។
ក្រោយពេលជនបង្កដែលសាហាវព្រៃផ្សៃវាយជនរងគ្រោះរួចហេីយបានដេីរទ្បេីរទៅខាងលេីជាមួយនិងសន្តិសុខហាងមួយភ្លេតក្រោយមកគេឃេីញជនបង្កប្ដូរខោអាវដេីរចេញតាមច្រកទ្វារមួយទៅបាត់ស្រម៉ោលសង្ស័យថាសន្តិសុខហាងជាអ្នកបេីកដៃអោយរត់ នៅសល់តែជនរងគ្រោះពេលសមត្ថកិច្ចចុះមកដល់បាននាំទៅប៉ុស្តិ៍ដេីម្បីសួរនាំនិងរៀបចំដាក់ពាក្យបណ្ដឹងទាំងខ្លួនជនរងគ្រោះកំពុងមានរបួស ។
នៅព្រឹកថ្ងៃនេះ កម្លាំងប៉ូលីសនៃអធិការនគរបាលខណ្ឌបឹងកេងកងបានសហការជាមួយនឹងកម្លាំងប៉ូលីសព្រហ្មទណ្ឌកម្រិតធ្ងន់ក្រសួងមហាផ្ទៃបានធ្វើការឃាត់ខ្លួនបុរសម្នាក់៕ រក្សាសិទ្ធដោយ៖សុទ្ធលី
