តើអេស្ប៉ាញ ឬអាហ្សង់ទីននឹងគ្រងតំណែងជាម្ចាស់ជើងឯកពិភពលោក?

នៅយប់ថ្ងៃទី 19 ឈានចូលថ្ងៃទី 20 ខែកក្កដា ក្រុមជម្រើសជាតិអេស្ប៉ាញ និងអាហ្សង់ទីន នឹងត្រូវប៉ះគ្នានៅរដ្ឋ New Jersey សម្រាប់​ការ​ប្រកួតវគ្គផ្តាច់ព្រ័ត្រនៃព្រឹត្តិការណ៍បាល់ទាត់ដ៏ធំបំផុតនៅលើភពផែនដី។ ក្រុមរហស្សនាមកំហឹង​ទន្សោង​នឹង​ព្យាយាម​ដណ្តើម​យក​ពាន​រង្វាន់នេះត្រលប់មកវិញ បន្ទាប់ពីខកខានអស់រយៈពេល 16 ឆ្នាំ ខណៈដែលក្រុម​ម្ចាស់​ការពារ​តំណែង​ជើង​ឯក​អាច​នឹង​ក្លាយ​ជា​ក្រុម​​ដំបូងគេគិតចាប់តាំងពីក្រុមប្រេស៊ីលក្នុងឆ្នាំ 1962 ដែលអាចការពារតំណែងជើងឯករបស់ខ្លួនបានដោយជោគជ័យ។ អត្ថបទវិភាគ​របស់​ 1xBet នឹងពន្យល់អំពីអ្វីដែលយើងគួររំពឹងទុកពីការប្រកួតកាត់សេចក្តីនេះ និងកត្តាផ្សេងៗដែលអាចជះឥទ្ធិពល​ដល់​លទ្ធផល​ចុង​ក្រោយ។

អេស្ប៉ាញ របូតតែមួយគ្រាប់គត់

កូនក្រុមរបស់លោក Luis de la Fuente បានបើកឆាកព្រឹត្តិការណ៍នេះជាមួយនឹងលទ្ធផលស្មើគ្មានគ្រាប់បាល់ទល់នឹងក្រុមកាបវែរ ប៉ុន្តែបន្ទាប់ពីនោះ ពួកគេបានសាងកំណត់ត្រាឈ្នះប្រាំមួយប្រកួតជាប់ៗគ្នា។ នៅក្នុងការប្រកួតវគ្គចែកពូលដែលនៅសេសសល់ ក្រុម​អេស្ប៉ាញ​បានលត់ក្រុមអារ៉ាប៊ីសាអូឌីត 4-0 និងយកឈ្នះអ៊ុយរូហ្គាយ 1-0។ នៅក្នុងវគ្គជម្រុះ ពួកគេបានផ្តួលអូទ្រីស 3-0 ព័រទុយហ្គាល់ 1-0 បែលហ្ស៊ិក 2-1 និងបារាំង 2-0។

អេស្ប៉ាញរបូតគ្រាប់បាល់តែមួយគ្រាប់គត់ក្នុងការប្រកួតនេះ។ ពួកគេគ្រប់គ្រងបាល់បានយ៉ាងល្អ មិនទុកចន្លោះឱ្យគូប្រកួតវាយបក និង​ស្ទើរតែបិទជិតឈឹងមិនឱ្យមានចន្លោះប្រហោងនៅជុំវិញតំបន់ពិន័យរបស់ខ្លួន។ សូម្បីតែបារាំង ដែលស៊ុតបញ្ចូលទីបាន 16 គ្រាប់​មុន​វគ្គពាក់កណ្តាលផ្តាច់ព្រ័ត្រ ក៏ត្រូវអស់លទ្ធភាពទប់ទល់នឹងក្រុមកំហឹងទន្សោងនេះដែរ។

កីឡាករ Mikel Oyarzabal ស៊ុតបញ្ចូលទីបានប្រាំគ្រាប់រួចមកហើយក្នុងព្រឹត្តិការណ៍នេះ ដែលតាមស្មើ​កំណត់​ត្រា​របស់​អេស្ប៉ាញ​ដែល​បង្កើតឡើងដោយកីឡាករ Emilio Butragueño និង David Villa។ ទោះជាយ៉ាងណាក៏ដោយ ភាពមុតស្រួច​នៅ​តំបន់​ប្រយុទ្ធ​របស់​ La Roja មិនមែនពឹងផ្អែកលើរូបគេតែម្នាក់នោះទេ។ ក្រុមមួយនេះមានភាពគ្រោះថ្នាក់ខ្លាំងដូចគ្នានៅតាមស្លាបសងខាង ដែលអាច​រុញកីឡាករពីតំបន់ក្រោមឱ្យឡើងមកវាយសម្រុក និងមានភាពអត់ធ្មត់ក្នុងការទម្លុះប្រព័ន្ធការពារ​គូប្រកួតតាមរយៈការបញ្ជូនបាល់​ខ្លីៗ​ដើម្បីស្វែងរកចំណុចខ្សោយ។

អាហ្សង់ទីនបង្ហាញទម្រង់លេងជាម្ចាស់ជើងឯកពិតប្រាកដ

អាហ្សង់ទីនបានឈ្នះទាំងប្រាំពីរប្រកួតរបស់ខ្លួន និងស៊ុតបញ្ចូលទីបានរហូតដល់ទៅ 19 គ្រាប់ ច្រើនជាងក្រុមណាៗ​ទាំងអស់​នៅក្នុង​ព្រឹត្តិការណ៍នេះ។ ទោះជាយ៉ាងណាក៏ដោយ បើទោះបីជាមានតួលេខស្ថិតិ និងការគ្រប់គ្រងបាល់បានយ៉ាងល្អក្នុងវគ្គចែកពូលក៏ដោយ ក៏​កូនក្រុម​របស់លោក Lionel Scaloni តែងតែត្រូវរកវិធីដោះស្រាយស្ថានការណ៍ដ៏តានតឹងស្ទើរតែរាល់ការប្រកួតក្នុងវគ្គជម្រុះ។ ក្រុម​រហស្សនាម La Albiceleste អាចយកឈ្នះក្រុមជម្រើសជាតិកាបវែរ (3-2) យ៉ាងប្រផិតប្រផើយក្នុងម៉ោងបន្ថែម វាយបក​យ៉ាង​អស្ចារ្យ​យក​​ឈ្នះអេហ្ស៊ីប (3-2) បន្ទាប់ពីចាញ់មុន 2-0 និងត្រូវប្រឹងលេងយ៉ាងស្វិតស្វាញពេញ 120 នាទីទើបអាចទម្លាក់ស្វីសបាន (3-1)។

ស្ថាន​ការណ៍ក៏មិនមានភាពងាយស្រួលនោះដែរនៅក្នុងវគ្គពាក់កណ្តាលផ្តាច់ព្រ័ត្រ នៅពេលដែលអង់គ្លេសបាននាំមុខមុនដោយគ្រាប់​បាល់​​របស់ Anthony Gordon នៅដើមតង់ទីពីរ។ រហូតដល់នាទីទី 85 ទើប Lionel Messi បញ្ជូនបាល់ឱ្យ Enzo Fernández ស៊ុត​បញ្ចូល​ទី លុះចូលដល់នាទីបន្ថែមចុងម៉ោង ការបញ្ជូនបាល់របស់ប្រធានក្រុមអាហ្សង់ទីនរូបនេះក៏បានទៅដល់ជើង Lautaro Martínez​ ដែលបានធានាជ័យជម្នះ 2-1 សម្រាប់ប្រទេសរបស់ខ្លួន។ កំណត់ត្រាមិន​ស្គាល់ចាញ់​សោះ​របស់​ក្រុម​នេះនៅ​ក្នុង​ព្រឹត្តិការណ៍​ Global Forum ពេលនេះបានបន្តរហូតដល់ 13 ប្រកួតជាប់ៗគ្នាហើយ។

អាហ្សង់ទីន​បានរបូតគ្រាប់បាល់ចំនួនប្រាំប្រកួតជាប់ៗគ្នា ប៉ុន្តែពួកគេអាចវាយបកយកឈ្នះបានគ្រប់ពេល។ ភាពជោគជ័យនេះគឺ​ភាគ​ច្រើន​ដោយសារតែវត្តមានរបស់ Messi ដែលរកបាន 8 គ្រាប់ និងបញ្ជូនបាល់ឱ្យមិត្តរួមក្រុមស៊ុតចំនួន 5 ដងរួចមក​ហើយ​នៅ​ក្នុង​ព្រឹត្តិការណ៍នេះ។

តើត្រូវរំពឹងអ្វីខ្លះពីការប្រកួតវគ្គផ្តាច់ព្រ័ត្រនេះ?

ការប្រកួត​វគ្គផ្តាច់ព្រ័ត្រឆ្នាំនេះ នឹងក្លាយជាការជួបគ្នារវាងក្រុមដែលមានតំបន់ការពារ និងតំបន់ប្រយុទ្ធល្អបំផុតប្រចាំព្រឹត្តិការណ៍។ ទោះ​ជាយ៉ាងណាក៏ដោយ អ្នកវិភាគរបស់ 1xBet នៅតែផ្តល់ទំនុកចិត្តបន្តិចទៅលើក្រុមកំហឹងទន្សោង៖ 

• អេស្ប៉ាញឈ្នះ – 2.39
• ស្មើ – 3.10
• អាហ្សង់ទីនឈ្នះ – 3.66.

តាមដានការប្រកួតកាត់សេចក្តីវគ្គផ្តាច់ព្រ័ត្រនៃព្រឹត្តិការណ៍ World Football Forum និងចូលរួម​គាំទ្រក្រុ​ម​ដែល​អ្នក​ពេញ​ចិត្ត​ទាំង​អស់​គ្នា​ជាមួយ 1xBet!