កំពង់ស្ពឺ ៖ នាយប់ថ្ងៃសៅរ៍ ១រោច ខែពិសាខ ឆ្នាំមមី អដ្ឋស័ក ព.ស. ២៥៧០ត្រូវនឹង ថ្ងៃទី២ ខែឧសភា ឆ្នាំ២០២៦ មានករណីហិង្សាដោយចេតនា(វាយគ្នាទៅវិញទៅមក)ក្នុងពិធីមង្គលសេរី ការកូនប្រុស កូនស្រី នៅភូមិឈើទាលក្រោម ឃុំរលាំងគ្រើល ស្រុកសំរោងទង ខេត្ដកំពង់ស្ពឺ លុះកម្មវិធីរៀបចំដំណេីរការបានរយៈពេលអស់ជាង ៧ម៉ោង ដល់ម៉ោង២១:៣០នាទី កេីតមានបញ្ហា បង្កឡេីងដោយភាគីកូនក្រមុំ និងភាគីកូនកំលោះ ទាស់ពាក្យសំដីគ្នា រួចបានវាយគ្នាទៅវិញទៅមកផ្អើលពេញកម្មវិធី។
លោកវរសេនីយ៍ឯក ឃុត សុផល អធិការនគរបាលស្រុកសំរោងទង បានបញ្ជាក់ថាក្នុងហេតុការណ៍ខាងលេី សមត្ថកិច្ចបានចុះអន្ដរាគមន៍អញ្ជេីញមនុស្ស៣នាក់មកសាកសួរ
✅ ភាគីកូនក្រមុំ
១.ឈ្មោះ គល់ បញ្ញា ភេទប្រុស អាយុ២៣ឆ្នាំ (របួសក្បាល)
២.ឈ្មោះ ឈីន វិសាល ភេទប្រុស អាយុ១៨ឆ្នាំ ទាំងពីរនាក់ នៅភូមិឈើទាលក្រោម ឃុំរលាំងគ្រើល ស/ទ(ស្ពឺ) (របួសដៃ,ក្បាល)
✅ ភាគីកូនកំលោះ
១.ឈ្មោះ យ៉ាន់ ចន្រ្ទា ភេទប្រុស អាយុ៣១ឆ្នាំ នៅភូមិពោន ឃុំស្មោងខាងជើង ស្រុកកំចាយមា ខេត្តព្រៃវែង (របួសខ្លួន,ក្បាល)
ក្រោយសាកសួរ សមត្ថកិច្ចនគរបាលបានបញ្ជូនករណីហឹង្សាខាងលេីរួមជាមួយមនុស្សទៅកាន់ការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្ដកំពង់ស្ពឺ ដេីម្បីបន្ដនីតិវិធី មូលហេតុជេីងខ្លាំងរៀងៗខ្លួន ៕ រក្សាសិទ្ធដោយ៖សុទ្ធលី
