ព្រះសីហនុ ៖ កងទ័ពជើងទឹកមូលដ្ឋានសមុទ្ររាម បានឲ្យដឹងថា ព្រឹកថ្ងៃសុក្រ ទី១៤ ខែកុម្ភៈ ឆ្នាំ២០២៥ លោកវរនាវីឯក មាន សាវឿន មេបញ្ជាការរងមូលដ្ឋានសមុទ្ររាម និងនាយនាវីជាច្រើនរូប អញ្ជើញទៅទទួលស្វាគមន៍នាវាកងទ័ពជើងទឹកឥណ្ឌា ចំនួន០២គ្រឿង ឈ្មោះ INS SUJATA និងនាវា ICGS VEERA ដឹកនាំដោយវរនាវីទោ ARJUN SEKHAR មេបញ្ជាការនាវា INS SUJATA និងវរនាវីទោ RAMESH V.TALKE មេបញ្ជាការនាវា ICGS VEERA កងទ័ពជើងទឹកឥណ្ឌា នៅកំពង់ផែស្វយ័តក្រុងព្រះសីហនុ។
ក្នុងដំណើរបំពេញទស្សនកិច្ចនៅព្រះរាជាណាចក្រកម្ពុជារយៈពេល៤ថ្ងៃ គិតចាប់ពីថ្ងៃទី១៤ ដល់ថ្ងៃទី១៧ ខែកុម្ភៈ ឆ្នាំ២០២៥ គឺដើម្បីពង្រឹងកិច្ចសហប្រតិបត្តិការល្អ បង្កើនទំនាក់ទំនង និងរឹតចំណងមិត្តភាព សាមគ្គីភាពឱ្យកាន់តែល្អទ្វេឡើងថែមទៀត រវាងប្រទេសទាំងពីរ(កម្ពុជា-ឥណ្ឌា)។
-លក្ខណៈបច្ចេកទេស នាវា INS SUJATA លេខP56
+ទម្ងន់ផ្ទុក ២២៦០ តោន
+បណ្ដោយ ១០២ ម៉ែត្រ
+ទទឹង ១១,៥ ម៉ែត្រ
+ជម្រៅទឹក ៥ ម៉ែត្រ
+ល្បឿន ១៥ knots
+មេបញ្ជាការនាវា វរនាវីទោ ARJUN SEKHAR
លក្ខណៈបច្ចេកទេស នាវា ICG VEERA លេខ35 ប្រភេទ OPV
+ទម្ងន់ផ្ទុក ៣០០០ តោន
+បណ្ដោយ ៩៩ ម៉ែត្រ
+ទទឹង ១៤,៩ ម៉ែត្រ
+ជម្រៅទឹក ៤,៧ ម៉ែត្រ
+ល្បឿន ២៦knots
+មេបញ្ជាការនាវា វរនាវីទោ RAMESH V.TALKE ៕ រក្សាសិទ្ធដោយ៖សុទ្ធលី
