រដ្ឋមន្ត្រីក្រសួងការបរទេសលោក Heiko Maas កាលពីថ្ងៃច័ន្ទទី ២៦នេះបាននិយាយថា ប្រទេសអាល្លឺម៉ង់នឹងបញ្ចូនខ្យល់អុកស៊ីសែន និងជំនួយវេជ្ជសាស្ត្រទៅកាន់ប្រទេសឥណ្ឌានៅថ្ងៃខាងមុខនេះ ដើម្បីជួយដោះស្រាយវិបត្តិកូកូវីដ-១៩។
ប្រទេសឥណ្ឌាគឺកំពុងរងគ្រោះពីការឆ្លងវីរុសកូរ៉ូណាជាខ្លាំងជាមួយនឹងចំនួនករណីកើនឡើងជាលំដាប់ប្រមាណ៣៤៩ ៦៩១ ត្រឹមតែរយៈ២៤ម៉ោងក្នុងរយៈ៤ថ្ងៃជាប់គ្នានៃកំណត់ត្រាខ្ពស់បំផុត។ មន្ទីរពេទ្យក៏កំពុងបង្វែរអ្នកជំងឺចេញពីពេទ្យក្រោយពេលដែលអុកស៊ីសែនផ្នែកវេជ្ជសាស្ត្រផ្គត់ផ្គង់មិនគ្រប់(អស់)។
លោក Maas បានប្រាប់កាសែតថា រលកទី២នៃកូវីដ-១៩គឺបច្ចុប្បន្នកំពុងរំកិលមកក្នុងប្រទេសឥណ្ឌាយ៉ាងខ្លាំងជាមួយឥទ្ធិពលដែលមិនធ្លាប់មានពីមុនមក។ ហើយនេះជារឿងដែលត្រឹមត្រូវដែលយើងបានចាត់វិធានការយ៉ាងឆាប់រហ័សដើម្បីបញ្ឈប់ការចូលនៃការផ្លាស់ប្តូរថ្មីនៅក្នុងប្រទេសអាល្លឺម៉ង់។ ប្រទេសអាល្លឺម៉ង់បានចាត់ថ្នាក់ប្រទេសឥណ្ឌាថា ជាតំបន់ដែលមានអត្រានៃការឆ្លងវីរុសកូរូណាច្រើន ហើយការឆ្លងនេះត្រូវបានដាក់ប្រទេសឥណ្ឌាចូលទៅក្នុងបញ្ជីព្រមានដាច់ដោយឡែកមួយសម្រាប់មេរោគកូវីដ១៩ប្រភេទថ្មី។
ចាប់ពីថ្ងៃចន្ទតទៅ ជនជាតិអាល្លឺម៉ង់ដែលធ្វើដំណើរមកពីប្រទេសឥណ្ឌានឹងត្រូវអនុញ្ញាតឱ្យចូលប្រទេសជាមួយលទ្ធផលតេស្តអវិជ្ជមាន ហើយនឹងត្រូវបន្តធ្វើចត្តាឡីស័កចំនួន១៤ថ្ងៃ។ ក្នុងនោះជនបរទេសធ្វើដំណើរមកពីប្រទេសឥណ្ឌានឹងមិនអនុញ្ញាតអោយចូលក្នុងប្រទេសអាល្លឺម៉ង់បាននោះទេ។ អ្នកនាំពាក្យក្រសួងការពារជាតិអាល្លឺម៉ង់បានថ្លែងថា ក្រសួងការបរទេសបានស្នើកងទ័ពឲ្យជួយពិនិត្យមើលការផលិតឧបករណ៍បរិក្ខារអុកស៊ីសែនចល័តក៏ដូចជាគាំទ្រក្នុងការដឹកជញ្ចូនទំនិញបន្ទាន់ និងជំនួយសង្គ្រោះផ្សេងទៀតទៅកាន់ប្រទេសឥណ្ឌា។
លោកស្រី Angela Merkel អធិការបតីអាល្លឺម៉ង់ កាលពីថ្ងៃអាទិត្យបានសម្តែងនូវការអាណិតអាសូរជុំវិញភាពរងគ្រោះយ៉ាងធ្ងន់ធ្ងរដែលជំងឺរាតត្បាតបានរាលដាលដល់ប្រទេសឥណ្ឌា។ លោកស្រីថ្លែងក្នុងសេចក្តីថ្លែងការណ៍ថា ប្រទេសអាល្លឺម៉ងឈរក្នុងភាពសាមគ្គីជាមួយប្រទេសឥណ្ឌា និងរៀបចំបន្ទាន់នូវបេសកម្មជួយគាំទ្រ។
គណកម្មការអឺរ៉ុបក៏បាននិយាយថា ជំនួយនេះមានបំណងបញ្ចូនអុកស៊ីសែន និងវេជ្ជសាស្ត្រទៅកាន់ប្រទេសឥណ្ឌាក្រោយពេលទទួលបានការស្នើសុំពីទីក្រុងដេលី។ ប្រទេសអង់គ្លេស និងសហរដ្ឋអាមេរិកក៏បានបញ្ចូនជំនួយការរួមជាមួយឧបករណ៍វេជ្ជសាស្ត្រទៅកាន់ប្រទេសឥណ្ឌាផងដែរ៕
ប្រភព៖ រ៉យទ័រ