សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបានចេញអនុក្រឹត្យបញ្ចប់មុខតំណែងលោកឧត្តមសេនីយ៍ទោ ឡោ សុខា ពីស្នងការនគរបាលខេត្តមណ្ឌលគិរី និងលោកឧត្តមសេនីយ៍ត្រី ហែម បូណារ៉ែល ពីមេបញ្ជាការអាវុធហត្ថខេត្តមណ្ឌលគិរី។
ឯកឧត្តមគួច វេងស្រ៊ុន បានមានប្រសាសន៍នៅលើបណ្ដាញសង្គមហ្វេសប៊ុកនាថ្ងៃសៅរ៍នេះថា “វះកាត់” គឺជាអភិក្រមទី៥ ដែលរាជរដ្ឋាភិបាលសម្រេចអនុវត្តចំពោះមន្ត្រី ដេីម្បីផលប្រយោជន៍ជាតិ និងប្រជាជន។ បាតដៃក៏សាច់ ខ្នងដៃក៏សាច់ តែលោកគ្មានជម្រេីស ក្រៅពីជាតិជាអាទិភាពនោះទេ។
សូមគាំទ្រប្រមុខរាជរដ្ឋាភិបាល ដែលបានសម្រេចចិត្តនេះ ហេីយបន្តយុទ្ធនាការយ៉ាងម៉ឺងម៉ាត់ក្នុងការប្រយុទ្ធប្រឆាំងបទល្មេីសនៃការឆបោកតាមបច្ចេកវិទ្យា ពិសេសលេីកកម្ពស់មុខមាត់ជាតិ និងពង្រឹងពង្រីកការអភិវឌ្ឍនៅគ្រប់មូលដ្ឋាន។
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានសម្រេចបញ្ចប់តំណែងលោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី និងលោកឧត្តមសេនីយ៍ត្រី ហែម បូណារ៉ែល មេបញ្ជាការកងរាជអាវុធហត្ថខេត្តមណ្ឌលគិរី។
ការបញ្ចប់តំណែងបានធ្វើឡើងតាមរយៈអនុក្រឹត្យដាច់ដោយឡែកពីរគ្នាចំនួនពីរនាថ្ងៃទី២២ ខែឧសភា ឆ្នាំ២០២៦។
ការបញ្ចប់តំណែងនេះ មិនបានបង្ហាញនូវមូលហេតុនោះទេ។ តែតាមប្រភពបានឱ្យដឹងថា ការបញ្ចប់តំណែងនេះជាប់ពាក់ព័ន្ធបទល្មើសឆបោកតាមប្រព័ន្ធបច្ចេកវិទ្យា ពោលមិនព្រមបង្ក្រាបបទល្មើស៕រក្សាសិទ្ធដោយ៖សុទ្ធលី
