ខេត្តមណ្ឌលគីរី ៖ក្រោមការចង្អុលបង្ហាញនិងបន្តអនុវត្តរឹតបន្តឹងច្បាប់ចាប់បង្ការបង្ក្រាបឱ្យអស់នូវរាល់បទល្មើសគ្រឿងញៀនគ្រប់ប្រភេទ នៅក្នុងទូទាំងខេត្តមណ្ឌលគិរី ពីលោកឧត្តមសេនីយ៍ទោ ឡោ សុខា ស្នងការនគរបាល ខេត្តមណ្ឌលគិរី ស្តីពីការចុះអនុវត្តផែនការសកម្មភាព យុទ្ធនាការលុបបំបាត់បទល្មើសគ្រឿងញៀន និងបទល្មើលប្រឆាំងកាជួញដូរមនុស្ស តាមគោលដៅ ទីតាំងសប្បាយដ្ឋាន នានា ខ្លឹបកំសាន្ត ខារ៉ាអូខេ ផ្ទះជួល ផ្ទះសំណាក់ សណ្ឋាគារ ចំនួន ០៣ទីតាំង នៅក្រុងសែនមនោរម្យ ខេត្តមណ្ឌលគិរី ។
នាយប់ថ្ងៃទី០៩ ខែសីហា ឆ្នាំ២០២៤ នៅវេលាម៉ោង១៩និង១០នាទី ដោយកម្លាំងអនុវត្តបានទីតាំងខារ៉ាអូខេ និងសប្បាយៗសរុប ចំនួន ០៣ទីតាំង មានបុគ្គលិកសរុប ចំនួន ៨៥នាក់ ស្រី៦៣នាក់ បានធ្វើតេស្តវិភាគរកសាធាតុញៀន ក្នុងទឹកម៉ូត្រជាលទ្ធផលអវិជ្ជមាន ៨៥នាក់ មានស្រី៦៣នាក់ រួមមាន ៖
ទីតាំងទី១ ៖ យីហោ «ជំនោរជើងភ្នំ» ស្ថិតក្នុងភូមិដោះក្រមុំ សង្កាត់សុខដុម ក្រុងសែនមនោរម្យ មានបុគ្គលិកចំនួន ២៦នាក់ ស្រី២១នាក់ បានធ្វើតេស្តទឹកម៉ូត្រ ទាំង២៦នាក់ លទ្ធផលអវិជ្ជមាន។
ទីតាំងទី១ ៖ យីហោ «វង់ភ័ក្ត្រធារី» ស្ថិតក្នុងភូមិដោះក្រមុំ សង្កាត់សុខដុម ក្រុងសែនមនោរម្យ មានបុគ្គលិកចំនួន ១៥នាក់ ស្រី ១០នាក់ បានធ្វើតេស្តទឹកម៉ូត្រ ទាំង ១៥នាក់ លទ្ធផលអវិជ្ជមាន។
ទីតាំងទី៣ ៖ យីហោ «រ៉ូយ៉ាល់» ស្ថិតក្នុងភូមិអូរស្ពាន សង្កាត់ស្ពានមានជ័យ ក្រុងសែនមនោរម្យ មានបុគ្គលិកចំនួន ៤៤នាក់ ស្រី ៣២នាក់ បានធ្វើតេស្តទឹកម៉ូត្រទាំង ៤៤នាក់ លទ្ធផលអវិជ្ជមាន។
ក្នុងយុទ្ធនាការនេះបានប្រើប្រាស់កម្លាំងសរុបចំនួន ៣០នាក់ នាក់ មានស្ត្រី០៥នាក់ ដោយបញ្ចប់ប្រតិបត្តិការនៅវេលាម៉ោង ២២និង០០នាទី នៅថ្ងៃ ខែឆ្នាំដដែល៕ រក្សាសិទ្ធដោយ ៖ សុទ្ធលី
