សម្តេចធិបតី ហ៊ុន ម៉ាណែត ឯកភាពផ្តល់ក្របខណ្ឌរដ្ឋជូនលោក គង់ បុរាណ ជាកូនប្រុសបង្កើតរបស់លោកតា គង់ ណៃ

ភ្នំពេញ ៖នៅថ្ងៃទី 11 ខែកក្កដាឆ្នាំ 2024 នេះតាមរយៈបណ្ដាញសង្គមហ្វេសប៊ុក សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានមានប្រសាសន៍យ៉ាងដូច្នេះថា” ខ្ញុំបានឃើញសាររបស់ប្អូនប្រុស គង់ បុរាណ ដែលត្រូវជាកូនប្រុសបង្កើតរបស់លោកតា គង់ ណៃ ដែលប្អូនបានស្នើសុំចូលបម្រើក្នុងក្របខ័ណ្ឌរដ្ឋ ដើម្បីបានដើរតាមគន្លងរបស់លោកឪពុក ហើយជាពិសេសប្អូនមានជំនាញចាប៉ី ដែលអាចបន្តវេនពីលោកឪពុករបស់ប្អូន។

ខ្ញុំឯកភាពតាមសំណើរបស់ប្អូនប្រុស គង់ បុរាណ។

ខ្ញុំបានប្រគល់ភារកិច្ចជូនឯកឧត្តម ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងលោកជំទាវ រដ្ឋមន្ត្រីក្រសួងវប្បធម៌ និងវិចិត្រសិល្បៈ ដើម្បីរៀបចំកិច្ចការងារនេះ។

សូមជូនពរប្អូនប្រុស ទទួលបានជោគជ័យក្នុងការបន្តវេនចាប៉ីពីលោកតា គង់ ណៃ”។

កូនប្រុសលោកតា គង់ ណៃ បានរៀបរាប់ថា ខ្ញុំបាទឈ្មោះគង់ បុរាណកូនប្រុសតែម្នាក់គត់ក្នុងចំណោម បងប្អូន១០នាក់ដែលបានបន្តវេនចាប៉ីពីលោកឪពុក គង់ ណៃ តែសព្វថ្ងៃខ្ញុំមិនទាន់មានក្របខណ្ឌរដ្ឋនៅឡើយទេ ខ្ញុំចង់បាន ក្របខណ្ឌរដ្ឋមួយកន្លែងដើម្បីជួយបំរើរដ្ឋដូចពុកខ្ញុំនិងជីវភា ពសម្រាបថ្ងៃខាងមុខ។ ដូច្នេះសូមពុកម៉ែបងប្អូនអ៊ុយាយតាជួ យសៀរផង ក្រែងដំណឹងនេះជ្រាបដល់ប្រមុខថ្នាក់ដឹកនាំ រាជរដ្ឋាភិបាលលោកជ្រាបណ្តឹង សូមអរគុណ និងអរព្រះគុណ៕ រក្សាសិទ្ធដោយ ៖ សុទ្ធលី