សម្តេចធិបតី ហ៊ុន ម៉ាណែតនិងនាយករដ្ឋមន្ត្រី សិង្ហបុរី អញ្ជើញចូលរួមជាអធិបតី ក្នុងពិធីប្រកាសដាក់ឱ្យដំណើរការជាផ្លូវការ នូវគម្រោងច្រករបៀងតម្លាភាពហិរញ្ញវត្ថុ

សាធារណរដ្ឋសិង្ហបុរី ៖ ល្ងាចថ្ងៃអង្គារ ទី១៨ មិថុនា ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញចូលរួមជាអធិបតីជាមួយ ឯកឧត្តម Lawrence Wong នាយករដ្ឋមន្ត្រី នៃសាធារណរដ្ឋសិង្ហបុរី ក្នុងពិធីប្រកាសដាក់ឱ្យដំណើរការជាផ្លូវការនូវគម្រោងច្រករបៀងតម្លាភាពហិរញ្ញវត្ថុ (Financial Transparency Corridor) និងពិធីចុះហត្ថលេខាលើឯកសារចំនួន ២ ដូចជា៖
១. កិច្ចព្រមព្រៀងអនុវត្តស្តីពីកិច្ចសហការឥណទានកាបូន
២. អនុស្សរណៈយោគយល់គ្នា ស្តីពីកិច្ចសហប្រតិបត្តិការលើរដ្ឋាភិបាលឌីជីថល ៕ រក្សាសិទ្ធដោយ ៖ សុទ្ធលី