ភ្នំពេញ ៖ ដោយអនុវត្តតាមទិសដៅការងាររបស់ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅថ្ងៃទី១៥ ខែមិថុនា ឆ្នាំ២០២៤ វេលាម៉ោង១០:២០នាទី កម្លាំងអធិការដ្ឋាន នៃអធិការដ្ឋាននគរបាលខណ្ឌទួលគោក បានសហការណ៏ជាមួយលោកនាយកបឋមសិក្សា អនុវត្ត និងលោកចៅសង្កាតទឹកល្អក់៣ បានប្រមូលសិស្សរៀនក្នុងសាលាសរុប ៥១នាក់(ស្រី០៧នាក់) ដែលសង្ស័យប្រើប្រាស(ជក់បារីអេឡិចត្រូនិច yooz) ។
បន្ទាប់ពីការសាកសួរ រកឃើញសិស្សចំនួន០៨នាក់ស្រី០១នាក់(អាយុក្រោម ១៤ឆ្នាំ) ដែលមានឧបករណ៏ជក់បារីអេឡិចត្រូនិច ។
កម្លាំសមត្ថកិច្ចយើងក៏បានធ្វើការដកហូតឧបករណ៏បារីអេឡិចត្រូនិច ចំនួន០៩ដើម និងបានធ្វើកាអប់រំ ពីផលប៉ះពាល់ចំពោះការប្រើប្រាស់គ្រឿងញៀនក៏ដូចជាការជក់បារីអេឡិចត្រូនិច ដោយបានឱ្យ អាណាព្យាបាលសិស្សទាំងនោះចូលរួមស្តាប់ផងដែរ។
ក្រោយពីកំលាំងសមត្ថកិច្ចយើងធ្វើការអប់រំរួចមកអាណាព្យាបាលសិស្សទាំង៥១នាក់បានធ្វើការថ្លែងអំណរអរគុណដល់សមត្ថកិច្ចនឹងអាជ្ញាធរព្រមទាំងលោកគ្រូអ្នកគ្រូដែលបានយកចិត្តទុកដាក់ដក់កូនៗពួកគាត់៕ រក្សាសិទ្ធដោយ ៖ សុទ្ធលី
