តាកែវ៖ បន្ទាប់ពីធ្វើការស្រាវជ្រាវ និងកំណត់មុខសញ្ញាពាក់ព័ន្ធករណីក្មេងទំនើងជិះម៉ូតូដេញវាយគ្នា នៅចំណុចផ្សារអង្គតាសោម កាលពីថ្ងៃទី២៩ ខែឧសភា ឆ្នាំ២០២៤ កន្លងមកក កម្លាំងអធិការដ្ឋាននគរបាលស្រុកត្រាំកក់ ក៏បានបន្តធ្វើការឃាត់ខ្លួនជនសង្ស័យបានចំនួន ៣នាក់ជាបន្ទបន្ទាប់។
នៅថ្ងៃទី៤ ខែមិថុនា ឆ្នាំ២០២៤ ឃាត់ខ្លួនបានចំនួន០២នាក់ រួមមាន ១-ឈ្មោះ អឿន ប៊ីប៊ី ភេទប្រុស អាយុ ១៧ ឆ្នាំ ររស់នៅភូមិព្រៃឈេីទាលក្រោម ឃុំអង្គតាសោម ស្រុកត្រាំកក់ ខេត្តតាកែវ។ ២-ឈ្មោះ គុណ សាហ៊ុយ ភេទប្រុស អាយុ ១៦ ឆ្នាំ រស់នៅភូមិពោធិព្រះសង្ឃ ឃុំតាភេម ស្រុកត្រាំកក់ ខេត្តតាកែវ។
លុះដល់ថ្ងៃទី៥ ខែមិថុនា ឆ្នាំ២០២៤ កម្លាំងសមត្ថកិច្ចបានបន្តឃាត់ខ្លួនជនសង្ស័យចំនួន ១ នាក់ទៀតឈ្មោះ ណន ឌីណា ភេទប្រុស អាយុ ១៧ ឆ្នាំ រស់នៅភូមិតាភេម ឃុំតាភេម ស្រុកត្រាំកក់ ខេត្តតាកែវ ដោយអនុវត្តតាមដីកាអោយចាប់ខ្លួនរបស់សាលាដំបូងខេត្តតាកែវ។ រីឯចំណែកបក្សពួកផ្សេង សមត្ថកិច្ចយើងបានក្តាប់មុខសញ្ញាបានអស់ហើយនិងកំពុងធ្វើសាវតាជាតិកសាងសំណុំរឿងតាមនីតិវិធី៕រក្សាសិទ្ធដោយ ៖ សុទ្ធលី
