រដ្ឋធានីវ៉ាស៊ីនតោន ៖ កញ្ចប់ថវិកាចំណាយគ្រោងចំណាយទៅលើហេដ្ឋារចនាសម្ព័ន្ធ និងសង្គមរបស់ប្រធានាធិបតី ចូ បៃដិន មានទឹកប្រាក់ ចំនួន៣,៥ពាន់ពាន់ដុល្លារ នឹងត្រូវលោកស្រី ស្ទេហ្វេនី មឺរហ្វី (Stephanie Murphy) តំណាងរាស្រ្ដមកពីរដ្ឋកាលីហ្វ័រញ៉ា ដែលមានដើមកំណើតជាជនជាតិវៀតណាម បោះឆ្នោតប្រឆាំង ដោយសារមិនបង្ហាញព័ត៌មានច្បាស់។
បើតាមបណ្ដាញសារព័ត៌មានតាមអ៊ិនធើរណេត បានចេញផ្សាយ កាលពីថ្ងៃទី៩ ខែកញ្ញា ឆ្នាំ២០២១ ថា លោកស្រី ស្ទេហ្វេនី មឺរហ្វី តំណាងរាស្រ្ដបក្សប្រជាធិបតេយ្យ មកពីរដ្ឋហ្លរីដា កាលពីថ្ងៃទី៩ ខែកញ្ញា បានបញ្ជាក់ពីជំហររបស់លោកស្រីថា លោកស្រី នឹងរៀបចំបោះឆ្នោត ប្រឆាំងនឹងគម្រោងចំណាយ លើហេដ្ឋារចនាសម្ព័ន្ធ និងសង្គម ដែលមានទឹកប្រាក់ រហូតដល់៣,៥ពាន់ពាន់លានដុល្លារសហរដ្ឋអាមេរិក ($ 3.5 Trillion)របស់លោក ចូ បៃដិន ប្រធានាធិបតីសហរដ្ឋអាំមេរិក ។ លោកស្រីប្រឆាំងនឹងគម្រោងចំណាយទាំងនេះ ដោយសារតែមិនបានបង្ហាញព័ត៌មានពិស្ដារ បញ្ជាក់អំពីមូលនិធិនេះ។
លោកស្រី Murphy បានបញ្ជាក់ថា « លោកស្រីមិនអាចវាយតម្លៃឲ្យបានត្រឹមត្រូវទេ ព្រោះពួកគេបង្ហាញឯកសារ ដាច់ដោយឡែក ដោយមិនមានព័ត៌មានគ្រប់គ្រាន់។ ទោះជាយ៉ាងណា លោកស្រីគិតថា នឹងមិនសួរអំពីចំនួនទាំងនេះ ដើម្បីមើលវិក្កយបត្រ ឱ្យបានពេញលេញ មុនពេលបោះឆ្នោតនោះដែរ។ លោកស្រីគិត នៅពេលលោកស្រីកំពុងស្នើសុំបង្កើត ឬផ្លាស់ប្តូរកម្មវិធីនានា ដែលនឹងប៉ះពាល់ដល់មណ្ឌលបោះឆ្នោតរបស់លោកស្រី នៅគ្រប់ដំណាក់កាល នៃជីវិតរបស់ពួកគេ។ សម្រាប់ហេតុផលនេះ លុះត្រាតែ មានអ្វីផ្លាស់ប្តូរ លោកស្រីគ្មានជម្រើសអ្វីក្រៅតែពីមិនបោះឆ្នោតគាំទ្រនោះឡើយ»។
លោកស្រី Stephanie Murphy មានដើមកំណើតជាជនជាតិវៀតណាម ហើយក្លាយជាអ្នកនយោបាយរបស់អាមេរិកាំង មកពីរដ្ឋហ្លរីដា។ លោកស្រី Stephanie Murphy ជាអនុប្រធាន នៃអនុគណៈកម្មាធិការស៊ើបអង្កេត និងប្រតិបត្ដិការពិសេស។
លោកស្រីជាអ្នកនយោបាយអាមេរិកដើមកំណើតវៀតណាមវ័យ៤២ឆ្នាំរូបនេះ បានកើត នៅថ្ងៃទី១៦ ខែកញ្ញា ឆ្នាំ១៩៧៨ នៅក្នុងទីក្រុងហូជីមិញ (ខ្មែរហៅព្រៃនគរ) ប្រទេសវៀតណាមខាងត្បូង។ លោកស្រី បានចាកចេញ ពីវៀតណាមទៅកាន់សហរដ្ឋអាមេរិកជាមួយនឹងឪពុកម្ដាយ នៅក្នុងអំឡុងឆ្នាំ១៩៧៩។
ក្រោយពេលធំដឹងក្ដី នៅ Virginia ខាងជើងរួចមក លោកស្រី Murphy បានចូលសិក្សា នៅមហាវិទ្យាល័យ William & Mary ហើយបន្ដទៅសិក្សា នៅសាកលវិទ្យាល័យ Georgetown និងក្រោយមកលោកស្រី ក្លាយជាសមាជិក Congress ។ លោកស្រី ធ្លាប់ធ្វើ ជាអ្នកជំនាញសន្ដិសុខជាតិ នៃក្រសួងការពារជាតិសហរដ្ឋអាមេរិក ហើយធ្លាប់ធ្វើជាសាស្រ្ដាចារ្យពាណិជ្ជកម្ម នៃមហាវិទ្យាល័យ Rollin …ផងដែរ។ លោកស្រី មានស្វាមី ឈ្មោះ Sean Murphy ៕ រក្សាសិទ្ធិដោយ៖សារាយSN
