អ្នកនាំពាក្យប្រធានាធិបតីបាននិយាយនៅថ្ងៃសុក្រម្សិលមិញថា ហ្វីលីពីននឹងពន្យារការហាមឃាត់អ្នកដំណើរមកពីឥណ្ឌានិងប្រទេសចំនួន ៩ ផ្សេងទៀតរហូតដល់ចុងខែសីហានេះ ដោយសារតែការព្រួយបារម្ភអំពីការរីករាលដាលយ៉ាងខ្លាំងនៃវីរុសកូវីដ-១៩បំប្លែងថ្មីប្រភេទ«ដែលតា» ។
អាជ្ញាធរហ្វីលីពីនកំពុងព្យាយាមទប់ស្កាត់ករណីឆ្លងវីរុសកូរ៉ូណាឡើងដល់កម្រិតខ្ពស់បំផុតក្នុងរយៈពេល ៤ ខែដោយការឆ្លងមានលើសពី ១២ពាន់នាក់ក្នុងរយៈពេលពីរថ្ងៃជាប់ៗគ្នានៅថ្ងៃព្រហស្បតិ៍ និងមន្ទីរពេទ្យនៅតំបន់ខ្លះដែលស្ទើរតែគ្មានសមត្ថភាពដាក់អ្នកជំងឺ។
ការហាមឃាត់ការធ្វើដំណើរដែលត្រូវបានដាក់ចេញជាលើកដំបូងនៅថ្ងៃទី ២៧ ខែមេសាត្រូវបានលើកពេលជាច្រើនដង និងបានពង្រីកការរឹតត្បឹតជាច្រើនប្រទេសរួមមាន ប៉ាគីស្ថាន បង់ក្លាដែស ស្រីលង្កា នេប៉ាល់ អេមីរ៉ាតអារ៉ាប់រួម អូម៉ង់ ថៃ ម៉ាឡេស៊ី និងឥណ្ឌូនេស៊ី។
អ្នកនាំពាក្យប្រធានាធិបតីលោក Harry Roque បាននិយាយនៅក្នុងសេចក្តីថ្លែងការណ៍មួយថាប្រធានា ធិបតីលោក Rodrigo Duterte បានយល់ព្រមលើអនុសាសន៍របស់ក្រុមការងារការពារមេរោគឆ្លងដើម្បីពន្យារការធ្វើដំណើរចាប់ពីថ្ងៃទី ១៦ ខែសីហាដល់ថ្ងៃទី ៣១ ខែសីហា។
តំបន់រដ្ឋធានីម៉ានីលដែលជាទីក្រុងរីករាលដាលនៃទីក្រុងចំនួន ១៦តូចៗផ្សេងទៀតដែលមានប្រជាជនចំនួន ១៣ លាននាក់នៅតែស្ថិតក្រោមការបិទខ្ទប់យ៉ាងតឹងរ៉ឹងដើម្បីទប់ស្កាត់ការរីករាលដាលនៃមេរោគកូវីដ-19 បំប្លែងថ្មីដែលតា ខណៈដែលរដ្ឋាភិបាលកំពុងបង្កើនការចាក់វ៉ាក់សាំង។
ដោយមានប្រហែល ១១ ភាគរយនៃប្រជាជន ១១០ លាននាក់របស់ប្រទេសនេះបានទទួលការចាក់ថ្នាំបង្ការរោគពេញលេញមនុស្សរាប់លាននាក់នៅតែមានភាពងាយរងគ្រោះខ្ពស់ចំពោះមេរោគកូវីដ-១៩ ដែលបានសម្លាប់មនុស្សជាង ២៩.៥០០ នាក់នៅក្នុងប្រទេសអាស៊ីអាគ្នេយ៍មួយនេះ៕ ប្រភព៖ រ៉យទ័រ រក្សាសិទ្ធិដោយ ៖ CEN
