រដ្ឋាភិបាលមីយ៉ាន់ម៉ា ដោះលែងក្រុមបាតុករ ប្រឆាំងរដ្ឋប្រហារ ចំនួនជាង២ពាន់នាក់

អាជ្ញាធរមីយ៉ាន់ម៉ាកាលពីថ្ងៃពុធកន្លងទៅនេះ បានដោះលែងក្រុមអ្នកតវ៉ាប្រឆាំងរដ្ឋប្រហារជាង ២ពាន់នាក់ពីពន្ធនាគារនៅទូទាំងប្រទេស រួមទាំងអ្នកកាសែតក្នុងស្រុកដែលបានជាប់ពន្ធនាគារ បន្ទាប់ពីបានរាយការណ៍យ៉ាងខ្លាំងអំពីការបង្ក្រាបបង្ហូរឈាមរបស់របបយោធា។

ប្រទេសមីយ៉ាន់ម៉ាបានផ្ទុះការតវ៉ាយ៉ាងខ្លាំង និងការឆ្លើយតបរបស់យោធាយ៉ាងឃោរឃៅ ចាប់តាំងពីរដ្ឋប្រហារខែកុម្ភៈដែលបានទម្លាក់លោកស្រីអ៊ុងសានស៊ូជី និងរដ្ឋាភិបាលរបស់លោកស្រី។ ក្រុមឃ្លាំមើលក្នុងតំបន់បាននិយាយថា ជនស៊ីវិលជាង ៨៨០ នាក់ត្រូវបានសម្លាប់នៅក្នុងការបង្ក្រាបមួយដោយក្រុមប្រឹក្សារដ្ឋ ខណៈមនុស្សចំនួន ៦៥០០ នាក់ត្រូវបានចាប់ខ្លួន។

អ្នកយកព័ត៌មាន AFP បាននិយាយថា បន្ទាប់ពីអាជ្ញាធរបានប្រកាសការដោះលែងនោះ មនុស្សយ៉ាងតិច ២០០ នាក់បានប្រមូលផ្តុំគ្នានៅខាងក្រៅពន្ធនាគារអ៊ីនសេនដែលស្ថិតក្នុងសម័យអាណានិគម ក្នុងទីក្រុងយ៉ាំងហ្គូន ដោយសង្ឃឹមថាមនុស្សជាទីស្រឡាញ់របស់ពួកគេអាចត្រូវបានដោះលែង។
បុរសម្នាក់កំពុងរង់ចាំកូនស្រីដែលជាអ្នកតវ៉ានៅខាងក្រៅពន្ធនាគារបាននិយាយថា គាត់មានមោទនភាពគាត់បានប្រាប់ AFP ថា៖« ខ្ញុំនឹងលើកទឹកចិត្តកូនខ្ញុំឱ្យតស៊ូរហូតដល់ពួកគេឈ្នះ» ។

ក្រុមព័ត៌មានរបស់រដ្ឋាភិបាលបាននិយាយនៅក្នុងសេចក្តីថ្លែងការណ៍មួយថា នៅល្ងាចនោះអ្នកតវ៉ាសរុបចំនួន ២,២៩៦ នាក់ត្រូវបានដោះលែងពីពន្ធនាគារនៅទូទាំងប្រទេស។ កាលពីខែកុម្ភៈរដ្ឋាភិបាលយោធា បានដោះលែងអ្នកទោសប្រមាណ ២៣០០០ នាក់ ៕
ប្រភព៖ AFP
រក្សាសិទ្ធិដោយ៖CEN